İtaliyanın "Napoli" klubu baş məşqçisi Luçano Spaletti ilə müqaviləni uzadacaq. 90plus.az “Football Italia”ya istinadən xəbər verir ki, klub rəhbərliyi yayda italyan mütəxəssisin müqaviləsini daha bir mövsüm uzatmaq variantını aktivləşdiriləcək. Növbəti bir il ərzində Spaletti 2,7 milyon avro qazanacaq. Qeyd edək ki, bu mövsüm Spalettinin rəhbərliyi altında komanda İtaliya A seriyasının turnir cədvəlinə şəriksiz liderdir. Neapol təmsilçisi 23 oyundan sonra 62 xal toplayaraq ən yaxın izləyicilərini 15 xal qabaqlayır.