“Neftçi” sabiq hücumçusu Mirabdulla Abbasova olan borcunu tam ödəyib. 90plus.az xəbər verir ki, Oyunçuların Statusu və Transferi Komitəsi futbolçunun tələbinin təmin olunduğunu açıqlayıb. “Qeyd edilib ki, 1 iyun 2021-ci il tarixli Mülki Hüquqi müqaviləyə xitam verilməsi haqqında” 2022-ci il sentyabrın 1-dəki razılaşmaya əsasən, iddiaçının tələb etdiyi 80 000 manat kompensasiya məbləğinin qalan 23 585,5 manatı “Neftçi” tərəfindən ödənilib. "Neftçi”nin yetirməsi olan Mirabdulla Abbasov 2022-ci ilin sentyabrında “Səbail”ə keçib.