Nigeriya milli komandasının futbolçuları və məşqçiləri Mərakeşdə keçiriləcək məşqə çıxmaqdan imtina ediblər.
90plus.az xəbər verir ki, bu addım cümə axşamı Qabonla keçiriləcək vacib Dünya Çempionatı pley-off oyunu ərəfəsində baş verib.
Komanda 2019-cu ildən bəri ödənilməyən bonuslara etiraz olaraq çərşənbə axşamı məşqini boykot ediblər.
“Super Qartalların heç bir futbolçusu 2025 Afrika Millətlər Kubokuna və 2026 Dünya Çempionatı pley-off mərhələsinə vəsiqə qazanmalarına görə nəzərdə tutulan ödənişləri almayıb,” — komanda Nigeriya Futbol Federasiyasına (NFF) belə bir açıqlama göndərib.
Nigeriya cümə axşamı Qabonla pley-off mərhələsinin ilk yarımfinalında qarşılaşacaq. Qalib gələn tərəf Kamerun – Konqo duelinin qalibi ilə final oyununda üz-üzə gələcək.
Dünya Çempionatına vəsiqə qazanmaq üçün həlledici oyunlar isə mart ayında keçiriləcək qitələrarası pley-offda müəyyənləşəcək.
