Nik Voltemade – Almaniyanın yeni ulduzu Dünya Kubokuna hazırdır. Onun uğur hekayəsinə nəzər salaq...
90plus.az xəbər verir ki, Almaniya millisinin hücumçusu Nik Voltemade sürətli yüksəlişi ilə diqqət çəkir. Gənc futbolçu 2023-cü ildə “Elversberq” ilə 3-cü Liqada mövsümün oyunçusu seçilmişdi. 2024-cü ildə “Ştutqart”a transfer olan Voltemade 18 qol vuraraq DFB-Pokal - Almaniya Kubokunu qazanmış və turnirin bombardiri olmuşdu.
2025-ci ildə U-21 Avropa Çempionatında qol kralı adına layiq görülən Voltemade yayda "Nyukasl"a 75 milyon avro qarşılığında transfer olunmuşdu. 2026-cı ildə isə o, Almaniya millisinin əsas hücumçusu kimi ilk dəfə Dünya Kubokunda iştirak edəcək.
Voltemade ZDF-ə açıqlamasında deyib:
“Çox sevincliyik. Oyuna çıxıram, qol vururam və ümid edirəm ki, Dünya Kubokunda da oynayacağam.”
Gənc hücumçu Almaniyanın son üç oyununda 4 qol vurub, o cümlədən Şimali İrlandiya və Lüksemburq qarşısında qələbə qoluna imza atıb. 1.98 metr boyu olan Voltemade Yulian Nagelsmannın heyətində əvəzsiz oyunçuya çevrilib, çünki komandada Kai Havertz, Jamal Musiala, Tim Kleindienst və Niklas Füllkruq kimi bir neçə hücumçu zədəlidir.
Nagelsmann jurnalistlərə deyib:
“Çoxumuz üçün bu, ilk Dünya Kuboku olacaq. Mənim üçün də ilkdir. Bu turnir futbolda böyük əhəmiyyət daşıyır və səbirsizliklə gözləyirəm.”
Almaniyanın kapitanı Coşua Kimmix isə ZDF-ə açıqlamasında bildirib:
“Bu gün hamı mesajını verdi, hər kəs bilirdi ki, DÇ-yə vəsiqə uğrunda oynayırıq! Mən də komandaya dedim ki, Dünya Kuboku hər bir futbolçu üçün karyerada ən böyük nailiyyətdir.”
Voltemadein yüksəlişi Almaniya futbolunda yeni bir dövrün başlanğıcı kimi qiymətləndirilir.
