Rafinya dünən əvəzlənən zaman etdiyi hərəkətdən sonra üzr istəyib. 90plus.az xəbər verir ki, "Barselona"nın braziliyalı futbolçusu Rafinya dünən "Mançester Yunayted"ə qarşı matçda əvəzlənən zaman hirsini gizlədə bilməyib və daha sonra üzr istəyib: "Əvəzlənən zaman əsəbi idim. Oyunumu tam alındıra bilmədim. O reaksiyam oynamaq hirsimdən irəli gəlir. Xavi ilə aramda problem yoxdur. Daha sonra komandadan üzr istədim". Qeyd edək ki, Avropa Liqasının 1/16 final mərhələsində baş tutan matç 2-2 ilə nəticələnib. Cavab qarşılaşması fevralın 23-ü Old Traffordda olacaq.