“Omoniya”nın baş məşqçisi: “Araz-Naxçıvan”ın gücünü yaxşı bilirik".

90plus.az xəbər verir ki, UEFA Konfrans Liqasının III təsnifat mərhələsində “Araz-Naxçıvan”la qarşılaşacaq Kiprin “Omoniya” klubunun baş məşqçisi Harninq Berq rəqibi ciddiyə aldıqlarını bildirib.

Norveçli mütəxəssis oyundan öncə keçirilən mətbuat konfransında Azərbaycan təmsilçisinin güclü və təşkilatlanmış komanda olduğunu deyib:

“Araz-Naxçıvan”la çətin oyuna çıxacağımızı bilirik. “Aris”ə qarşı keçirdikləri matçları analiz etmişik və hansı gücə sahib olduqlarını yaxşı anlayırıq. Rəqibin heyətində texnikalı və düşüncəli futbolçular var. Onlar meydanda bir-birini yaxşı başa düşür. Biz bu qarşılaşmaya ciddi şəkildə hazırlaşmışıq.

Bəli, “Omoniya” daha əvvəl Azərbaycan klubları ilə qarşılaşıb, (hamısında Azərbaycan tərəfi uduzub) amma həmin oyunlarda komandaya mən rəhbərlik etməmişəm. Bu fərqli dueldir”.

Qeyd: “Araz-Naxçıvan” – “Omoniya” oyunu bu gün, avqustun 7-də “Dalğa Arena”da saat 20:00-da başlayacaq. Cavab qarşılaşması avqustun 14-də Nikosiyada keçiriləcək.