2026-cı il Dünya Kubokunun Afrika zonası üzrə seçmə mərhələsinin C qrupunda son qarşılaşma baş tutub. Nigeriya millisi doğma meydanda qrup lideri Benini 4:0 hesabı ilə məğlub edib.
90plus.az xəbər verir ki, matçda “Super Qartallar”ın heyətində parlaq çıxışı ilə seçilən Viktor Osimhen het-trikə imza atıb. Komandanın digər qolunu isə Onyeka vurub.
Bu nəticə ilə xallarını 17-yə çatdıran Nigeriya, Afrika zonasında ən yaxşı qrup ikincilərindən biri kimi play-off mərhələsində oynamaq hüququ qazanıb.
Nigeriya 2026-cı il Dünya Kubokuna vəsiqə qazanmaq üçün növbəti mərhələdə play-off oyunlarına çıxacaq.
