“Real Betis”in baş məşqçisi Manuel Pelleqrini UEFA Konfrans Liqasının finalında “Çelsi”yə qarşı keçiriləcək oyun öncəsi inamlı açıqlama verib.
90plus.az xəbər verir ki, o, komandasının favorit sayılan rəqibə qarşı qələbə üçün tam hazır olduğunu bildirib.
Pelleqrini sabah saat 23:00-da Vroslavda baş tutacaq oyunun mətbuat konfransında “Çelsi”nin Avropa futbolundakı tarixi və nüfuzuna görə favorit kimi göstərilməsinə münasibət bildirib:
“Çelsini favorit göstərmək çox asandır. Onların loqosu bəzən bizim loqodan daha çox şey ifadə edə bilər. Amma sabah 90 dəqiqəlik oyundur və hər iki komanda qalib gələ bilər.
Biz də kifayət qədər təcrübəyə malikik və oyunun əvvəlindən tam inamla çıxış edəcəyik. Hansı komanda daha yaxşı oynayacaqsa, qalib də o olacaq,” – deyə Pelleqrini qeyd edib.
