"Mançester Siti"nin baş məşqçisi Xosep Qvardiola "Liverpul"un sabiq futbolçusu Stiven Cerarddan üzr istəyib. 90plus.az xəbər verir ki, o, mətbuat konfransında Cerard haqqında bildirmişdi: "Cerrardın 2014-cü ildə "Çelsi"yə qarşı matçda yıxılmasının günahkarı da "Mançester Siti" olub?" Qvardiola "Sky Sports"a açıqlamasında bu yersiz zarafatına görə utandığını deyib: “Bu axmaq şərhləri verməklə  klubumu pis təqdim etdim. Ona, uşaqlarına, həyat yoldaşına, ailəsinə çox yazığım gəlir. Bu axmaqlıq idi. Onun haqqında söylədiyim lazımsız və axmaq şərhlərimə görə Stiven Cerrarddan üzr istəyirəm. Özümdən utanıram. Çünki o, buna layiq deyildi”.