İtaliya yığmasının Norveçə 1:4 hesablı məğlubiyyətinə görə İtaliya millisinin baş məşqçisi Cennaro Qattuzo tərəfdarlardan üzr istəyib.
90plus.az xəbər verir ki, Qattuzo belə deyib:
“Azarkeşlərdən üzr istəyirik və bütün məsuliyyəti üzərimizə götürürük. Bu oyun mənim üçün çox vacib idi, çünki güclü rəqibə qarşı oynayırdıq və qalib gəlmək komandanın əhval-ruhiyyəsini yüksəldərək növbəti addımı atmağa kömək edə bilərdi. Biz uğursuz olduq. Çətinliklə üzləşdikdə bu cür dağılıb, özümüzü biabır etməməliydik.
Bu, narahatedicidir, bunu inkar edə bilmərəm. İndi üç ay görüşməyəcəyik, amma bu oyundan dərs aldığımız açıq-aşkar görünür. Belə bir oyun 1:4-lə uduzulmamalıdır. Üçüncü qol məni lap çox əsəbiləşdirir, amma irəli baxmalıyıq. Məqsədimiz sıfır qol buraxmaq deyil, amma buraxdığımız zaman düzgün reaksiya verməliyik, bu gün etdiyimiz kimi yox.”
Bəzi iddialara görə, İtaliyanın məğlubiyyətində fiziki hazırlıq problemi rol oynayıb. Qattuzo buna da cavab verib:
“Fiziki hazırlıq problemi olduğunu düşünmürəm. İkinci hissədən sonra 30 saniyə içində onlara imkan verdik, sonra geri çəkildik və rəqib oyuna nəzarət etməyə başladı. Sonra oyun fərqli istiqamətdə davam etdi, biz onların güclü tərəflərinə oynadıq və bu bizi zədələdi. Bu, fiziki hazırlıq problemi deyildi.”
Qeyd: Qeyd: İ qrupunda DÇ-2026-ya birbaşa vəsiqəni Norveç qazandı, İtaliya pley-offlara qaldı. İsrail, Estoniya və Moldova isə mübarizəni dayandırdı.
