Azərbaycanın Olimpiya mükafatçıları, həmçinin dünya və Avropa çempionları Rafael Ağayev və Hacı Əliyev Milli Olimpiya Komitəsində (MOK) vəzifəyə təyin olunublar.  

90plus.az xəbər verir ki, bu gün keçirilən MOK-un Hesabat-Seçki Baş Məclisində karate və güləş idman növləri üzrə hər iki təcrübəli idmançı iştirak edib.  

Onlar fərdi qaydada MOK-un növbəti dörd il üçün üzvlüyünə qəbul ediliblər. Bununla da, hər iki tanınmış idmançımız bu günkü Baş Məclisdə baş tutan seçki prosesində səsvermə hüququ əldə ediblər.