İspan müdafiəçi Serxio Ramos yaxın günlərdə Meksika klubu “Monterrey” ilə yollarını ayırmağa hazırlaşır.

90plus.az xəbər verir ki, futbolçunun əsas hədəfi İspaniya millisinə qayıdış və 2026-cı il dünya çempionatında iştirak etməkdir. 39 yaşlı müdafiəçinin qərarına iki əsas səbəb təsir edib: ailəsinin İspaniyada yaşamağa üstünlük verməsi və Ramosun yenidən milliyə düşmək üçün Avropaya geri dönmək arzusu. O, oyun üslubu İspaniyaya daha yaxın olan liqalarda müntəzəm oynayacağı halda Luis de la Fuentenin diqqətini yenidən çəkə biləcəyinə inanır.

Qeyd: Aymerik Laport da oxşar addım atmış, Səudiyyə Ərəbistanını tərk edərək “Atletik Bilbao”ya qayıtmış və milli komanda məşqçisinin dəstəyini almışdı.

“Real Madrid” əfsanəsi hesab olunan Ramos 2021-ci ildən bəri İspaniya millisində oynamayıb və nə AVRO-2020, nə 2022 Dünya Çempionatı, nə də AVRO-2024 üçün dəvət almayıb.

Bununla belə, o, “Monterrey”dən nüfuzlu şəkildə ayrılır — Klub Dünya Çempionatında iştirak edib, turnirdə qol vurub və karyerasını xarakterizə edən yüksək müdafiə səviyyəsini qoruyub.

İspaniyaya qayıdışı Ramos üçün son şanslardan biri kimi qiymətləndirilir və təcrübəli müdafiəçi milliyə dönüş xəyalını gerçəkləşdirmək üçün Avropada yeni klub axtarışına çıxır.