İngiltərə Premyer Liqasının 8-ci turunda təxirə salınmış və ötən gecə keçirilən "Lids"lə matç (2:2) "Mançester Yunayted"in futbolçusu Markus Reşford üçün əlamətdar olub. 90plus.az Britaniya mətbuatına istinadən xəbər verir ki, 25 yaşlı hücumçu sözügedən görüşdə fərqlənib.  Reşford nəticədə komandasının Premyer Liqada ardıcıl 6 ev oyununda qol vurmağı bacarıb. Bununla da o, "qırmızı şeytanlar"ın sabiq kapitanı Ueyn Runinin 2012-ci ildə imza atdığı rekordu təkrarlayıb. Qeyd edək ki, M.Reşford bu mövsüm Premyer Liqada 22 oyunda 11 qol vurub və 3 qolun ötürməsini verib.