Portuqaliya millisinin və “Al-Nassr” klubunun hücumçusu Kriştiano Ronaldo DÇ-2026-nın oyunlarını buraxmaq təhlükəsindən qurtulub.

90plus.az xəbər verir ki, FIFA ona 3 matçlıq cəza versə də, bu oyunlardan ikisi bir illik sınaq müddəti ilə şərti şəkildə ertələnib. Təcrübəli forvard isə 1 matçlıq məcburi cəzasını Ermənistanla (9:1) görüşdə çəkdiyi üçün dünya çempionatının start oyununda meydanda ola biləcək.

Daha ağır – 2-3 oyunluq cəza veriləcəyi gözlənilsə də, qərarın bu formada elan olunması Ronaldonun mundialın ilk matçında iştirakına şərait yaradıb.

Xatırlatma: Ronaldo İrlandiya ilə qarşılaşmada (0:2) rəqib müdafiəçini dirsəyi ilə vurduğu üçün birbaşa qırmızı vərəqə almışdı.