Rəşad Sadıqov: “Hayduk”la oyunlar gərgin və maraqlı olacaq – məqsədimiz mərhələni keçməkdir".
90plus.az xəbər verir ki, UEFA Konfrans Liqasının 2-ci təsnifat mərhələsində “Zirə”nin rəqibinin Xorvatiyanın tanınmış klubu “Hayduk” olması bilindikdən sonra “Zirə”nin baş məşqçisi Rəşad Sadıqov klubun mətbuat xidmətinə qısa açıqlama verib. Təcrübəli mütəxəssis mümkün qədər real və iddialı danışıb:
“Püşk bizə “Hayduk” komandasını rəqib elədi. Düşünürəm ki, azarkeşləri iki gərgin və maraqlı oyun gözləyir. Bizim üçün əsas məsələ bu oyunlara ciddi hazırlaşmaq, həm fiziki, həm taktiki baxımdan güclü olmaqdır. İnşallah, inanıram ki, mərhələni keçən tərəf biz olacağıq”.
Qeyd: Püşkə əsasən, “Zirə” ilk oyunu evdə, cavab görüşünü isə səfərdə keçirəcək. Qarşılaşmalar iyulun 24-də və 31-də baş tutacaq.
“Zirə”nin Avropa macərası klub tarixində ikinci dəfə baş tutur. Qeyd edək ki, 2023/24 mövsümündə Premyer Liqada üçüncü yeri tutan komanda Konfrans Liqasına vəsiqə qazanmışdı. Hazırda Sadıqovun komandası transfer çalışmalarını davam etdirir və qarşıdakı günlərdə heyətin daha da gücləndirilməsi gözlənilir.
“Hayduk” Xorvatiyanın ən köklü və titullu klublarından biri hesab olunur. Split təmsilçisi ölkəsinin Avrokubok təmsilçiləri arasında daim ön sıralarda qərarlaşır və “Zirə” üçün ciddi rəqib sayılır.
Azərbaycan təmsilçisinin məqsədi isə aydındır: mərhələ keçmək və UEFA reytinqinə daha bir töhfə vermək.
