“Sabah” basketbol klubu tarixi ilkə imza atıb! Azərbaycan çempionu “Sabah” basketbol klubu FIBA Avropa Kubokunun seçmə qrup mərhələsində sonuncu oyunda da qələbə qazanıb. Rumıniyanın “Rapid” klubunu 90-71 hesabı ilə məğlub edən “Sabah” tarixi ilkə imza atıb. Belə ki, seçmə mərhələnin hər 3 görüşünü qalib bitirməklə qrup 1-cisi kimi Azərbaycan basketbol tarixində ilk dəfə olaraq FIBA Avropa Kubokunun əsas qrup mərhələsinə adlayıb! Qeyd edək ki, komandamızın rəqibləri Türkiyənin “Baxçaşəhər Koleji”, Monteneqronun “Mornar” və Çexiyanın “Nimburk” klubları olacaq. Təmsilçimiz ilk oyununu oktyabrın 18-də səfərdə “Mornar”a qarşı keçirəcək.