Bu gün “Sabah” UEFA Konfrans Liqasında mübarizəyə başlayıb. 90plus.az xəbər verir ki, Murad Musayevin baş məşqçi olduğu komanda Latviyada RFS-in qonağı olub. Bununla da, paytaxt təmsilçisi avrokuboklarda debüt edib. Oyun Azərbaycan təmsilçisi üçün uğurlu alınıb. “Sabah” səfərdən inamlı qələbə ilə qayıdıb. Komandalar arasında cavab görüşü bir həftə sonra “Bank Respublika Arena”da keçiriləcək. Azərbaycanın digər təmsilçilərindən “Qəbələ” və “Neftçi” Konfrans Liqasında ilk matçlarını iyulun 27-də keçirəcəklər.