Valdas Dambrauskas: “Levski” ilə oyunda bizi nə gözlədiyini bilirik".
90plus.az xəbər verir ki, “Sabah” klubunun baş məşqçisi Valdas Dambrauskas UEFA Konfrans Liqasının III təsnifat mərhələsində “Levski”yə qarşı keçiriləcək ilk oyundan öncə rəqib barədə fikirlərini bölüşüb.
Litvalı çalışdırıcı Sofiyada baş tutan mətbuat konfransında Bolqarıstan təmsilçisinin ciddi rəqib olduğunu vurğulayıb:
“Biz “Levski” ilə qarşılaşmağa hazırıq. Onlar böyük tarixə malik komandadır və əlavə təqdimata ehtiyac duymurlar. Bu matçı səbirsizliklə gözləyirəm. Rəqibin potensialı barədə dəqiq təsəvvürümüz var. II mərhələdə “Braqa”ya qarşı göstərdikləri oyun keyfiyyətli idi.
Həmçinin Bolqarıstan çempionatında ötən mövsüm gümüş medal qazanıblar. Biz də öz növbəmizdə bu oyuna məsuliyyətlə yanaşırıq və ciddi hazırlaşmışıq”.
Xatırlatma: "Levski” – “Sabah” oyunu bu gün – avqustun 7-də, Bakı vaxtı ilə saat 22:00-da Sofiyada, Georgi Asparuxov adına stadionda keçiriləcək.
