"Sevilya"nın Enzo Mareskanı təbrik etməsi "Betis"i qəzəbləndirdi.
90plus.az xəbər verir ki, "Çelsi"nin UEFA Konfrans Liqasının finalında "Real Betis" üzərində 4:1 hesablı qələbəsindən sonra "Sevilya" klubunun ingilislərin baş məşqçisi Enzo Mareskanı təbrik etməsi şəhərin digər təmsilçisi "Betis"də narazılıq yaradıb.
"Sevilya"nın rəsmi sosial media hesabında keçmiş oyunçusu Mareskanı təbrik etməsi, "Betis" azarkeşləri və rəhbərliyi tərəfindən rəqibə qarşı hörmətsizlik kimi qəbul edilib.
"Betis"in prezidenti Anxel Haro bu təbrikə cavab olaraq, "Mən bu paylaşımı görməmişəm, amma onlar artıq başqa bir müharibədədirlər" deyə bildirib.
"Sevilya" isə bu cür təbriklərin keçmiş oyunçularına qarşı adi bir jest olduğunu və əvvəlki illərdə də oxşar halların yaşandığını qeyd edib.
Bu hadisə "Betis" və "Sevilya" arasındakı şəhər derbisinin nə qədər gərgin və emosional olduğunu bir daha sübut etdi.
📰: ESPN
