Türkiyə Superliqasının 23-cü turunda zəlzələ səbəbindən təxirə salınmış oyunların keçiriləcəyi vaxt açıqlanıb.  90plus.az xəbər verir ki, bu haqda Türkiyə Futbol Federasiyası məlumat yayıb. "Giresunspor" - "Kayserispor", "Fənərbağça" - "Konyaspor" oyunları fevralın 25-də olacaq. "Ümraniyespor" - "Adana Demirspor" görüşü isə fevralın 26-da keçiriləcək. Həmçinin bildirilib ki, İstanbuldakı terror səbəbindən 16-cı turda təxirə salınan "Beşiktaş" - "Antalyaspor" qarşılaşması da fevralın 26-də oynanılacaq. Qeyd edək ki, fevralın 6-da qardaş ölkə Türkiyənin bir neçə bölgəsində güclü zəlzələ olub. Son məlumatlara əsasən, fəlakət nəticəsində 38 044 nəfər həlak olub.