FİFA-dan gözlənilən qərar gəldi. 90plus.az “Trt Spor”a istinadən xəbər verir ki, Türkiyə üçün 2022-2023 ara transfer müddəti ikinci dəfə uzadılıb. Yeni müddət bazar günü, martın 5-də başa çatacaq. Türkiyə Futbol Federasiyasının (TFF) FİFA-ya etdiyi müraciətinə müsbət cavab verilib. Zəlzələ ilə əlaqədar ara transfer müddətini fevralın 8-nə qədər uzadan TFF təbii fəlakətdən zərər çəkmiş 11 əyalətdəki komandaların zərər çəkməməsi üçün FİFA-dan əlavə vaxt istəyib. FİFA-nın müsbət cavabı ilə ara transfer müddəti ikinci dəfə uzadılıb. TFF-dən verilən açıqlamada, "Federasiyamızın tələbi və FİFA-nın təsdiqi ilə 2022 - 2023 ikinci transfer və qeydiyyat müddəti 5 Mart 2023-cü il tarixinə qədər uzadılıb" deyilib.