“Aralıq transfer” dövründə hücum xəttini gücləndirməyi planlaşdıran “Fənərbağça”da “Tottenhem”in ulduzu Lukas Moura transferi gündəmdədir. Premyer Liqa təmsilçisi ilə müqaviləsi mövsümün sonunda başa çatacaq braziliyalı ulduzdan isə “Fənərbağça"ya pis xəbər gəlib. 90plus.az “Football London"a istinadən xəbər verir ki, “Tottenhem" Lukas Mouranı göndərmək niyyətində deyil. Baş məşqçi Antonio Kontenin Mouranı bu mövsüm oynamaq şansı verməməsinə baxmayaraq, hücumun dərinliyi baxımından heyətdə saxlamaq istədiyi bildirilir. Qeyd edək ki, Lukas Moura bu mövsüm Premyer Liqada "Tottenhem"in heyətində cəmi 8 oyuna çıxıb.