“Yeni Malatyaspor” 7 futbolçu ilə meydana çıxdı, “İsbaş İsparta 32 FK” ilə oyun ləğv olundu.

90plus.az xəbər verir ki, 2-ci Liqa Qırmızı Qrupun 12-ci turunda keçirilməsi planlaşdırılan “Yeni Malatyaspor” – “İsbaş İsparta 32 FK” qarşılaşması baş tutmayıb. Səbəb isə meydan sahibi komandanın kifayət qədər futbolçu ilə oyuna çıxmaması olub.

Matçın startı ərəfəsində “Yeni Malatyaspor” cəmi 7 futbolçu ilə meydana çıxıb. Hakim Əhməd Resuloğlu komandanın minimal oyunçu tələblərini qarşılamadığını müəyyən edərək görüşü ləğv etmək qərarı verib.

Qeyd: “Yeni Malatyaspor” ötən həftə səfərdə “Adanaspor”la oynanılacaq matça da yetərli futbolçu olmadığı üçün qatılmamışdı.

Bu hadisələrin yaşanmasına səbəb futbolçuların maaşlarını uzun zamandır ki, almamasıdır.