Fransa millisinin sabiq futbolçusu Tyerri Anri “Liverpul”un Çempionlar Liqasının 1/8 final mərhələsinin “Real”la ilk oyununda (2:5) çıxışına təəccüblənib. 90plus.az “Daily Mail”-ə istinadən xəbər verir ki, Anri, “Liverpul”un yaxşı oynamadığını deyib: “Onların hansı səviyyədə olduğunu başa düşə bilmirəm. Mən kövrək bir komanda gördüm. Niyə? Onlar 2:0 hesabı ilə öndə idilər. 2:0 hesabı “Real” və ya Avropanın hansısa digər komandası ilə qarşılaşmada istədiyiniz başlanğıcdır. Lakin onlar bu hesabı saxlaya bilmədilər. “Liverpul” çox yaxşı oynamır və çox qol buraxır”. “Liverpul”la “Real” arasında cavab matçı martın 15-də Madriddə keçiriləcək.