UEFA Çempionlar Liqasında 2023/2024 mövsümünün ilk püşkü atılıb. 90plus.az xəbər verir ki, Avropa futbol qurumunun İsveçrənin Nyon şəhərindəki mənzil-qərargahında keçirilən mərasimdə ilkin mərhələnin yarımfinal cütləri məlum olub. Andorranın “Atletik Ekaldes” klubu Monteneqro “Buduçnost”u ilə, San Marinonun “Tre Penne” komandası İslandiya təmsilçisi “Breydablik”lə üz-üzə gələcək. Bu raundun görüşləri iyunun 27-də, final qarşılaşması isə iyunun 30-da olacaq. Qalib komanda 1-ci təsnifat mərhələsinə yüksələcək və burada Azərbaycan çempionu “Qarabağ”a rəqib ola bilər. 1-ci təsnifat mərhələsinin püşkü oyunun 20-da atılacaq.