İngiltərəli VAR hakimi Li Meyson Premyer Liqanın 23-cü turunda "Arsenal" - "Brentford" görüşündəki səhvinə görə növbəti turun oyunlarından kənarlaşdırılıb. 90plus.az xəbər verir ki, bu barədə "Sky Sports" məlumat yayıb. Meyson sözügedən görüşdə "Brentford"un bərabərlik qolu zamanı səhvə yol verib. O, qol vaxtı ofsaydı aşkarlaya bilməyib və İvan Toninin qolu qeydə alınıb. Nəticədə oyun bərabərliklə başa çatıb.   Premyer Liqa hakimliyinə cavabdeh olan PGMOL bildirir ki, Meyson ofsaydı aşkarlamaq üçün lazımi xəttlərin çəkilməsini unudub. Araşdırmadan sonra məlum olub ki, hakim həmin vaxt səhv edib. Qeyd edək ki, Li Meyson həm də sabiq referidir.