"Qarabağ" - "Qalatasaray" xeyriyyə matçının biletləri bu gün satışa çıxarılıb. Klubun mətbuat xidmətinin rəhbəri Gündüz Abbaszadə Qol.az-a açıqlamasında bildirib ki, artıq 40 mindən çox bilet satılıb (biletin bu gün satışa çıxarılmasından 7 saat ərzində). Qeyd edək ki, martın 26-ı Bakı Olimpiya Stadionunda keçiriləcək sözügedən görüş saat 20:00-da başlayacaq. Bilet satışından əldə olunacaq gəlir Türkiyədə baş verən zəlzələdən zərər çəkənlər üçün göndəriləcək. Satış məntəqələri:  Tofiq Bəhramov adına Respublika stadionunun kassaları; Iticket.az-ın satış məntəqələri; “Park Bulvar”da yerləşən “Qarabağ” FK-nın Fan-Şopu. Biletləri iticket.az-dan da əldə edə bilərsiniz.