Azərbaycan 1-ci divizionunda 2022-2023 mövsümünün qalibi müəyyənləşib. 90plus.az xəbər verir ki, “Araz Naxçıvan” tarixində 2-ci dəfə aşağı dəstənin qalibi olub. Səfərdə “Qaradağ Lökbatan”ı iki cavabsız qolla məğlub edən komanda  çempionluğunu rəsmiləşdirib. Muxtar respublika təmsilçisi sona 3 tur qalmış ən yaxın izləyicisi “Neftçi-2″ni 11 xal qabaqlayır. 2013/14 mövsümündəki uğurunu təkrarlayan “Araz Naxçıvan” birindi divizionda (əvvəl birinci dəstə adlanıb) iki dəfə çempion olan 5-ci komandadır. Bunadək MOİK, “Neftçala”, “Qaradağ Lökbatan” və “Turan Tovuz” da iki uğura imza atıb. Lisenziyalaşdırma tələblərinə cavab versə, “Araz Naxçıvan” növbəti mövsüm Premyer Liqada çıxış edəcək.