Serbiyada (Belqrad) boks üzrə Avropa çempionatının 1/4 finalında qüvvəsini sınayan Malik Həsənov (63,5 kq) irlandiyalı Din Klensi məğlub edərək yarımfinala adlayıb. 90plus.az xəbər verir ki, rəqibini hər 3 raundda məğlub edən boksçumuz Paris-2024 Yay Olimpiya Oyunlarının lisenziyaçısına 5:0 qalib gəlib. Malik yarımfinalda moldovalı Alexandru Parasçivlə üz-üzə gələcək. Qeyd : İndi yarımfinala yüksələn iki boksçumuz var - Malik Həsənov (63,5 kq) və Alfonso Dominqes (92 kq). Onlar ən azı bürünc medalı təmin ediblər. Yarımfinal görüşləri bu gün olacaq.