Voleybol komandamız “Azərreyl” Çelenc Kubokunda mübarizəni dayandırıb! 90plus.az xəbər verir ki, qadın voleybolçularımızdan ibarət klub 1/16 final mərhələsinin cavab matçında İspaniyada “Avarka de Menorka”nın qonağı olub. Qarşılaşma rəqibin 3:0 (25:20, 25:23, 25:17) hesablı qələbəsi ilə yekunlaşıb. Noyabrın 9-da Bakıdakı ilk görüşdə Azərbaycan təmsilçisi 3:1 (23:25, 25:15, 25:19, 25:23) hesablı qələbə qazansa da, bu nəticə kifayət etməyib. Qeyd edək ki, “Azərreyl” əvvəlki raundda Ukrayna “Balta”sını mübarizədən kənarlaşdırmışdı.