Bakıda keçirilən “Böyük Dəbilqə” turnirinin ikinci günündə cüdoçularımız 2 qızıl, 1 gümüş medalla yüksək əzm və məhsuldarlıq nümayiş etdiriblər. 90plus.az xəbər verir ki, 73 kq çəkidə Hidayət Heydərov və 81 kq çəkidə Zelim Tçkayev birinci, eyni çəkidə Ömər Rəcəbli isə ikinci yeri tutub. Hidayət Heydərov finalda tacik Abubakr Şeronu üstələyərək, növbəti dəfə “Böyük Dəbilqə”nin qalibi olub. 81 kq çəkidə isə Azərbaycan finalı baş tutub. Həlledici görüşdə komanda yoldaşı Ömər Rəcəbliyə qalib gələn Zelim Tçkayev fəxri kürsünün ən yüksək pilləsinə qalxıb. Ö.Rəcəbli isə gümüş mükafata yiyələnib. Digər cüdoçu Rəşid Məmmədəliyev (73 kq) bürünc medal uğrunda dueldə Artur Marqelidona (Kanada) uduzub. Qeyd : İlk gündə Azərbaycan cüdoçuları Balabəy Ağayev (60 kq) və Yaşar Nəcəfov (66 kq) bürünc medal qazanmışdılar!