İspaniyanın “Real Madrid” klubunun futbolçusu Cud Bellinqem paytaxt təmsilçisinin tarixinə düşüb. 90plus.az GOAL-a istinadən xəbər verir ki, ingiltərəli yarımmüdafiəçi buna Çempionlar Liqasının (ÇL) qrup mərhələsinin II turunda İtaliyada “Napoli”yə qarşı matçda (2:3) fərqlənməklə nail olub. Komandasının ikinci qoluna imza atan Bellinqem “kral klubu”nun ÇL-də ilk iki oyununda fərqlənən üçüncü futbolçusu olub. Onadək yalnız Kristian Karambö (1998) və Kriştianu Ronaldu (2009) bunu bacarıb. Ümumilikdə Bellinqem “Real Madrid”də meydana çıxdığı doqquz oyunda səkkiz qol və üç məhsuldar ötürmə ilə yadda qalıb. Yarımmüdafiəçi bu mövsüm Avropanın beş aparıcı liqalarında müdafiə və yarımmüdafiə xəttinin oyunçuları arasında ən yaxşı göstəriciyə malikdir.