Braziliya Futbol Konfederasiyası (CBF) ölkənin milli komandasının baş məşqçisi Dorival Junioru istefaya göndərmək qərarına gəlib.
90plus.az xəbər verir ki, buna səbəb 2026-cı il dünya çempionatının Cənubi Amerika üzrə seçmə mərhələsində Argentinaya qarşı keçirilən oyunun nəticəsi (1:4) olub. Rəsmi qərarın yaxın saatlarda açıqlanması gözlənilir.
Qeyd: 62 yaşlı Junior 2024-cü ilin yanvarından Braziliya millisini çalışdırırdı və onun müqaviləsi 2026-cı ilin sonuna qədər davam edirdi.
Braziliya, 2026-cı il dünya çempionatının Cənubi Amerika üzrə seçmə mərhələsində 14 oyundan sonra 21 xal toplayaraq 4-cü yerdə qərarlaşıb.
Namizədlər arasında "Əl Əhli"dən Jorje Jesus, "Flamenqo"dan Felipe Luis və "Real Madrid"dən Karlo Ançelotti var.
