Azərbaycan şahmatçısı Nicat Abasov Kanadanın Toronto şəhərində keçirilən İddiaçılar Turnirində bu gün III turda ABŞ təmsilçisi Hikaru Nakamura ilə üz-üzə gələcək. 90plus.az xəbər verir ki, 28 yaşlı qrossmeyster bu dəfə ağ fiqurlarla oynayacaq. Görüş Bakı vaxtı ilə saat 22:30-da start götürəcək. İlk iki turda hər iki qrossmeyster bir heç-heçə, bir məğlubiyyətlə yadda qalıb. Nicat Abasov Yan Nepomnyaşi ilə heç-heçə edib, Fabiano Karuanaya isə uduzub. Qeyd : Yarış aprelin 22-də başa çatacaq. 8 şahmatçının iki dövrədən ibarət mübarizəsində birinci olan qrossmeyster hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.