ABŞ-da keçirilən FIFA Klublararası Dünya Çempionatının 1/8 final mərhələsi başa çatıb.

90plus.az xəbər verir ki, artıq 1/4 finala yüksələn komandalar və qarşılaşmalar müəyyənləşib. Bu mərhələdə Avropa klublarından 5, Braziliyadan 2 və Səudiyyə Ərəbistanından 1 komanda növbəti mərhələyə vəsiqə qazanıb.

1/8 finalın ən böyük sürprizi isə “Əl-Hilal”ın güclü rəqibi “Mançester Siti”ni əlavə vaxtda 4:3 hesabı ilə məğlub edərək turnirdən kənarlaşdırması oldu. Digər diqqətçəkən nəticələrdən biri də “Fluminense”nin İtaliya təmsilçisi “İnter”i 2:0 hesabı ilə üstələməsi idi.

UEFA Çempionlar Liqasının son qalibi olan PSJ argentinalı ulduz Lionel Messinin formasını geyindiyi ABŞ təmsilçisi “İnter Mayami”yə şans vermədi və 4:0 hesablı inamlı qələbə ilə adını 1/4 finala yazdırdı.

Türkiyəli futbolçuların üz-üzə gəldiyi oyunda isə Arda Gülərin çıxış etdiyi “Real Madrid” Kenan Yıldızın formasını geyindiyi “Yuventus”u 1:0 hesabı ilə məğlub etdi. Digər türkiyəli oyunçular – Kerem Aktürkoğlu və Orkun Kökçünün komandası “Benfika” isə “Çelsi”yə əlavə vaxtda 1:4 hesabı ilə uduzaraq turnirdən kənarda qaldı.

1/8 final mərhələsinin nəticələri:

• “Palmeyras” – “Botafogo”: 1–0

• “Benfika” – “Çelsi”: 1–4

• PSJ – “İnter Mayami”: 4–0

• “Flamenqo” – “Bayern Münhen”: 2–4

• “İnter” – “Fluminense”: 0–2

• “Mançester Siti” – “Əl-Hilal”: 3–4

• “Real Madrid” – “Yuventus”: 1–0

• “Borussiya Dortmund” – “Monterrey”: 2–1

1/4 final mərhələsinin təqvimi:

4 iyul, cümə axşamı
22:00 – “Fluminense” – “Əl-Hilal”

5 iyul, cümə günü
04:00 – “Palmeyras” – “Çelsi”
19:00 – PSJ – “Bayern Münhen”
23:00 – “Real Madrid” – “Borussiya Dortmund”