Fransanın PSJ komandasının argentinalı ulduzu Lionel Messi sosial media hesabında Türkiyə və Suriyada baş verən zəlzələdən zərərçəkənlərə dəstək üçün müraciət edib. 90plus.az ulduz oyunçunun həmin müraciətini təqdim edir: “Türkiyə və Suriyada baş verən dağıdıcı zəlzələlərdən zərər çəkən minlərlə uşaq və onların ailələri üçün çox kədərli bir gündür. Ürəyim onlarla birlikdə döyünür. UNICEF zəlzələnin başlanmasından bəri bölgədə zəlzələdən qorunmaq üçün çalışır. Sizin köməyiniz də çox dəyərlidir”. Qeyd edək ki, Messi zəlzələ qurbanları üçün 70 milyon tl bağışlayıb.