İngiltərənin “Mançester Yunayted” klubu 37 ildən sonra antirekordunu təkrarlayıb. 90plus.az ESPN-ə istinadən xəbər verir ki, “Qırmızı şeytanlar” 1986-cı ildən bəri ilk dəfə mövsümün startında keçirdiyi 10 oyunun 6-da məğlubiyyətlə üzləşiblər. Komanda son olaraq UEFA Çempionlar Liqasının (ÇL) qrup mərhələsinin II turunda evdə Türkiyə çempionu “Qalatasaray”a uduzub - 2:3. Mançester təmsilçisi bu görüşə qədər beş dəfə yenilib. Komanda ÇL-də “Bayern”ə uduzubsa, İngiltərə Premyer Liqasında səkkiz qarşılaşmanın dördünü məğlub başa vurub. Bundan əlavə, "Mançester Yunayted" son 4 ev oyunundan üçündə məğlub olub. Hazırda Çempionlar Liqasının (ÇL) qrup mərhələsində 0 xalla qrup sonuncusudur.