Ulu Öndər Heydər Əliyevin 100 illik yubileyinə həsr olunmuş Beynəlxalq Minifutbol Turnirində pley-off mərhələsi start götürüb. 90plus.az xəbər verir ki, günün ilk oyununda Azərbaycan millisi meydana çıxıb. Bakı Tennis Akademiyasında baş tutan qarşılaşmada yığma komanda Fransa ilə üz-üzə gəlib. Görüş Elşad Quliyevin yetirmələrinin minimalhesablı qələbəsi ilə yekunlaşıb. Fransızlar hesabı açsalar da, ikinci hissədə rəqib qapısından 3 top keçirən Azərbaycan yığması 3:2 hesabı ilə qalib gəlib. Bununla da, milli turnirin yarımfinalına vəsiqə qazanıb. Komanda bu gün saat 20:00-da Serbiya ilə finala vəsiqə qazanmaq uğrunda qarşılaşacaq.