"Fənərbağça"nın baş məşqçisi Joze Mourinyo "Əl-Nəsr"in forvardı Türkiyə klubuna keçməyə razı salmaq üçün Kriştiano Ronaldoya şəxsən zəng etməsi ilə bağlı yayılan informasiyalara münasibət bildirib.
90plus.az xəbər verir ki, o, bu iddiaları təkzib edib:
“Kriştiano Ronaldo bura gəlməyəcək. Birinci səbəb odur ki, mənim üç yaxşı hücumçum var və başqa hücumçuya ehtiyacım yoxdur.
Kriştiano həmişə Kriştianodur, amma ona ehtiyacım yoxdur. Çünki hücumçularımdan razıyam. Ronaldo Səudiyyə Ərəbistanında pul qazanır və 1000 qol vurmağı hədəfləyir. Onu Türkiyəyə gəlməyə İstanbulun gözəlliyindən başqa nə sövq edə bilər?”.
Qeyd: Ronaldo "Real"da Mourinyonun rəhbərliyi altında çıxış edib.
