İngiltərə Premyer Liqasında fevral ayının ən yaxşı baş məşqçisi müəyyən edilib.  

90plus.az bildirir ki, mükafata “Everton”un baş məşqçisi Devid Moyes layiq görülüb. Onun rəhbərlik etdiyi komanda keçən ay 5 oyunda iştirak edib, bunlardan 2-də qalib gəlib, 3 qarşılaşmada isə bərabərlik əldə edib. Moyes bu nominasiya üzrə Oliver Qlasner (“Kristal Pelas”), Anqelos Postekoqlu (“Tottenhem”), Marko Silva (“Fulhem”) və Arne Slotu (“Liverpul”) kimi rəqiblərini geridə qoyub.  

Qeyd: Hazırda “Everton” turnir cədvəlində 33 xalla 15-ci pillədə qərarlaşıb. Çempionatın lideri olan “Liverpul”un hesabında isə 70 xal var.