Azərbaycanlı qrossmeyster Nicat Abasov şahmat üzrə İddiaçılar Turnirinin üçüncü turunda amerikalı Hikaru Nakamura heç-heçə edib. 90plus.az xəbər verir ki, bu turda heç-heçə həmçinin rusiyalı Yan Nepomnyaşi ilə Hindistan təmsilçisi Dommaracu Qukeş, Fransa təmsilçisi Alireza Firuzca və ABŞ təmsilçisi Fabiano Karuana arasında keçirilən görüşlərdə qeydə alınıb. Hindistanlı Rameşbabu Praqnanandha həmyerlisi Qucrati Viditi qara fiqurlarla məğlub edib. Üç turdan sonra Nepomnyaşi, Qukeş və Karuana hərəyə 2, Vidit və Praqnanandha 1,5, Nakamura, Firuca və Abasov isə 1 xal toplayıblar. Nicat Abasov bu gün 4-cü turda Fransa təmsilçisi Əlireza Firuzca ilə üz-üzə gələcək. Görüş Bakı vaxtı ilə saat 22:30-da start götürəcək. Qeyd : aprelin 22-də başa çatacaq. 8 şahmatçının iki dövrədən ibarət mübarizəsində birinci olan qrossmeyster hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.