Azərbaycan boksçusu Sərxan Əliyev (71 kq) İtaliyanın Busto Arsizio şəhərində I Dünya Olimpiya Təsnifat Turnirində ermənistanlı Qurqen Madoyanla döyüşüb. 90plus.az xəbər verir ki, boksçumuz yekunda 3:2 hesabı ilə qalib gəlib. Beləliklə, Nicat Hüseynovdan (51 kq) sonra Sərxan Əliyev də erməni rəqibini üstələyərək 1/4 finala adlayıb. Paris-2024 Yay Olimpiya Oyunlarına lisenziya qazanmaq üçün Sərxana cəmi 1 qələbə kifayət edəcək. Əliyev yarımfinala vəsiqə əldə etmək üçün qazaxıstanlı Aslanbek Şimbergenovla qüvvəsini sınayacaq. Qeyd : 1/4 final oyunları bu gün keçiriləcək.