Azərbaycanın yunan-Roma güləşçisi Murad Əhmədiyev Bakıda keçirilən, olimpiadaya vəsiqə qazandıran Avropa Olimpiya Təsnifat turnirində mübarizəni dayandırıb. 90plus.az xəbər verir ki, 97 kq çəki dərəcəsində çıxış edən idmançı 1/4 finalda Almaniya təmsilçisi Lukas Aleksandros Lazoqianisə məğlub olub - 5:7. Qeyd : Daha əvvəl İslam Abbasov (87 kq) və Nihat Məmmədli də məğlub olub, mübarizəni dayandırıb. Yalnız Beka Kandelaki (130 kq) isə yarımfinala adlayıb. Hər çəkidə finala yüksələcək iki güləşçi Paris-2024 Yay Olimpiya Oyunlarına vəsiqə qazanacaq.