"Qarabağ"ın futbolçusu Qara Qarayev Bakıda "Qalatasaray"a qarşı keçirdikləri xeyriyyə matçı (1:2) barədə danışıb. 90plus.az xəbər verir ki, o, görüşdən sonra "CBC Sport"a açıqlamasında İstanbul təmsilçisindən geri qalmadıqlarını deyib: "Çox maraqlı oyun keçdi. "Qalatasaray"la avrokuboklarda qarşılaşmağı istəmişdik. Amma bu da xoş təsadüf oldu. Bu təşkilatı edən hər iki kluba təşəkkür edirəm. "Qalatasaray"da fərdi keyfiyyətləri çox yaxşı olan futbolçular var. Zaman-zaman bizə problem yaradırdılar. Amma "Qalatasaray"dan heç də geri qalmadıq. Başabaş mübarizə getdi. Ümumi oyun planında çox yaxşı çıxış etdik. Bəzən daha çox qol şanslarımız oldu. Son dəqiqələrdə bərabərliyi əldən verdik. Düşünürəm ki, bu, futbolçularımızın bir neçəsinin milli komandalara yollanması ilə əlaqədar ola bilər. Amma məncə heç də pis alınmadı"