Türkiyə mətbuatında  “Qarabağ”ın “Trabzonspor”un futbolçusu Fode Koyta ilə maraqlandığına dair məlumatlar yayılıb. İddia olunur ki, Ağdam təsilçisi yayda bu transferi reallaşdırmaq istəyir. 90plus.az xəbər verir ki, “Qarabağ”ın mətbuat xidmətinin rəhbəri Gündüz Abbaszadə yayılan məlumatlara münasibət bildirib. O, hələlik heç bir futbolçuya təklif göndərmədiklərini deyib: “Hazırda transfer çalışmalarımız yoxdur. "Qarabağ" mövsümün qalan hissəsini düşünür. Mövsüm başa çatandan sonra transfer çalışmalarımıza başlayacağıq. Biz heç kimə təklif göndərməmişik”. Qeyd edək ki, hazırda icarə əsasında Türkiyənin “Kasımpaşa” klubunda çıxış edən 33 yaşlı futbolçunun Qara dəniz təmsilçisi ilə 2024-cü ilin yayına qədər müqaviləsi var. ( Qol.az )