İspaniya La Liqasının 20-ci həftəsində "Real Madrid" "Malyorka"ya 1:0 hesabı ilə uduzub. 90plus.az xəbər verir ki, “Real Madrid”də zədəli hücumçu Kərim Benzema ilə yanaşı, oyunöncəsi isinmə hərəkətləri zamanı zədələnən qapıçı Tibo Kurtua da meydana çıxmayıb. Ev sahibi "Malyorka" 13-cü dəqiqədə "Real Madrid"in müdafiəçisi Naçonun avtoqolu ilə önə keçib - 1:0. İkinci hissənin 60-cı dəqiqəsində Marko Asensionun penaltidən yararlana bilməyib. Liqada 3-cü dəfə məğlub olan "Real Madrid" 45 xalla 2-ci pillədə qərarlaşıb. La Liqa tarixində “Real Madrid” üzərində 7-ci qələbəsini qazanan "Malyorka" isə 28 xalla 10-cu pilləyə yüksəlib.