"Hər şeyi gördünüz. Əfsuslar olsun ki, qırmızı vərəqədən sonra çətin oldu. Demək olar ki, bu iki oyunun çox hissəsini azlıqla oynadıq. Bu, bizim üçün ağırdır".

90plus.az xəbər verir ki, bu sözləri  “Sabah”ın baş məşqçisi Krunoslav Renduliç Konfrans Liqasının 3-cü təsnifat mərhələsində “Sent Patriks”ə 0:1 hesabı ilə uduzaraq mübarizəni dayandırdıqları cavab oyunundan sonra deyib.

"Oyunçularımız yaxşı idi, mübarizə apardılar. Lakin müvəffəq ola bilmədik. Bu gün oyunda onlardan daha yaxşı idik. Ama əfsuslar olsun ki, uduzduq. Hər hansı bir şey deyin ki, rəqib bizdən üstün idi. Rəqibin üstün cəhəti yox idi. Nəticə tarixdə qalsa da, oyunçularımız mübarizə apardılar. Günahkar hər zaman məşqçidir” - deyə o bildirib.

Qeyd: "Sabah" "Sent Patriks"ə məğlub olaraq çıxışını yekunlaşdırdı.