“Səbail” Azərbaycan çempionatının ən zəif komandasıdır”. 90plus.az “ onet.pl ”-ə istinadən xəbər verir ki, bunu “Qarabağ”ın monteneqrolu futbolçusu Marko Veşoviç “Legiya” ilə yoxlama matçına çıxan paytaxt təmsilçisi barədə danışarkən deyib. 32 yaşlı müdafiəçi Türkiyədəki təlim-məşq toplanışı zamanı keçmiş komandası olan Varşava təmsilçisinin düşərgəsini ziyarət edib. Veşoviç Azərbaycan Premyer Liqası haqda danışarkən turnir cədvəlinin ilk üç pilləsində qərarlaşan klubları – “Qarabağ”, “Sabah” və “Neftçi”ni fərqləndirib: “Orada yalnız ilk üç yerdəki komandaların çox pulu var”. “Səbail”lə “Legiya” arasında keçirilən yoxlama görüşü 2:2 hesabı ilə bitib.