Türkiyə Futbol Federasiyası (TFF) liqalarda çıxışlarını dayandıran klublarla bağlı qərarını açıqlayıb. 90plus.az qurumun saytına istinadən xəbər verir ki, TFF klubların qərarını təsdiqləyib.  Superliqadan "Hatayspor"la "Qaziantep", 1-ci liqadan "Yeni Malatyaspor" ve "Adanaspor", 2-ci liqadan "Adıyaman", 3-cü liqadan "Niğde Anadolu", "Malatya Arguvan Spor" ölkədə baş vermiş zəlzələ ilə əlaqədar çıxışlarını dayandırıblar. Bu komandalara fevralın 6-dan etibarən bütün oyunlarda 0:3 hesablı texniki məğlubiyyət veriləcək. Klublar turnir cədvəlindəki mövqelərindən asılı olmayaraq 2023/2024 mövsümündə hazırkı liqalarda mübarizə apara biləcəkər.