Bakıda keçirilən Avropa Olimpiya Təsnifat turnirində Paris-2024 Yay Olimpiya Oyunlarına lisenziya qazanan sərbəst güləşçimiz Turan Bayramov haqda rəqibi rüşvət iddiası irəli sürmüşdü. 90plus.az  xəbər verir ki, 74 kq çəkidə Bayramov  yarımfinalda ikiqat dünya və dördqat Avropa çempionu italiyalı Frank Çamizonu üstələyib. Çamizo isə “Eurosport”a açıqlamasında “ Bakıda mənə 300 min dollara yerli idmançıya uduzmağı təklif etdilər” deyib. “ Azərbaycanda mənim üçün çox çətin olacağını bilirdim, Bütün turnir boyu azərbaycanlılarla döyüşləri eyni hakim (Aleksey Bazulin) aparıb. Finala çıxdım, amma sonra mənə illər əvvəl boksu xatırladan bir şey oldu. Və sonra bəli, mən ciddiyəm, yanıma gəldilər və pul təklif etdilər, uduzmaq üçün 300.000 dollar. Kimin olduğunu demək istəmirəm, amma bu, çəki ölçmə gününün səhəri baş verib. Mən onları göndərdim... çünki mən təkcə özümü deyil, həm də İtaliyanı, federasiyamı və ordumu təmsil edirəm. Dürüstlüyümü pozmaq asan deyil. Sübut? Mən canlı sübutam: baş verənləri şəxsən mən yaşayıram, sadəcə döyüşə baxın. O qədər iyrənirəm ki, idman haqqında danışdığımı hiss etmirəm”. Qeyd : Bu açıqlamadan sonra Dünya Ali Güləş Qurumu araşdırma getdiyini açıqladı. Əgər bu məsələ təsdiqini tapsa, federasiya ağır cəza ala bilər. Turan Bayramovun məsələyə münasibəti isə belə olub: " Məğlubiyyəti qəbul etməyi bacarmaq lazımdır. Boş və dəlilsiz ittiham sürmək Çamizo kimi tanınmış idmançıya yaraşmaz. Dəlilin varsa, ortaya qoy. Yoxdursa sus və İstanbuldakı yarışa hazırlaş".